Mga testigo sa pagkamatay ni Kian nakatanggap ng banta sa buhay

Photo credits to owner

Ibinunyag ng ama ng binatilyong nasawi sa nakaraang Oplan 'Galugad' sa Caloocan na may mga nagbabanta daw sa buhay ng mga testigo sa insidente.

Ganun pa man, hindi raw natatakot yung isa nilang testigo sa pamamaril kay Kian Delos Santos.

At hanggang ngayon patuloy parin ang suporta ng mga kapitbahay at kaanak sa paghingi ng hustisya sa kanyang pagkamatay.

Watch Video:

Isa sa mga kapitbahay ng pamilya ang nag-abot ng basyo ng bala sa ina ni Kian Loyd, dahil baka maaari umano itong gamitin bilang ebidensiya. 

Photo credits to owner

Hindi rin umano natatakot si alyas 'Lisa', isa sa mga nakakita sa insidente. Aniya, kilala niya ang mga pulis at nakita niya mismo kung paano pinatay si Kian.

Photo credits to owner

Kuwento niya, dalawang pulis ang nagpaputok nang sunod-sunod kay Kian, habang nasa pader ang binatilyo.

Nakatakip umano ang mukha nito, at nagmamakaawa pa sa mga pulis bago pinagbabaril. 

Subalit, muling iginiit ni Chief Inspector Amor Cerillo ng Caloocan police na hindi si Kian ang nakita sa CCTV na nakatalukbong at kasama ng mga pulis.

Patuloy naman ang pagdagsa ng mga kamag-anak, kaklase, at mga guro sa burol ni Kian. Dumating din ang Department of Social Welfare and Development, pati na si Senador Risa Hontiveros.

Photo credits to owner

Bumuhos din ang suporta sa social media para sa pamilya Delos Santos. Nag-trending din ngayong umaga ang #JusticeForKian sa Twitter, kung saan pati celebrities ay nakiramay sa pamilya at nanawagan ng hustisya para sa binatilyo.

Kinondena rin ng grupong Volunteers Against Crime and Corruption ang pagkamatay ni Kian. 

Comment your thoughts, hit Like and Share the article. Thank you!

Credits to: ABS-CBN

• Tweet
• Share
• Share
• Share
• Share